Faridabad : ਸਰਦੀ ਤੋਂ ਬਚਣ ਦੇ ਲਈ ਅੰਗੀਠੀ ਜਲਾ ਕੇ ਸੁੱਤਾ ਸੀ ਪਰਿਵਾਰ, ਸਾਹ ਘੁਟਣ ਨਾਲ ਪਤੀ-ਪਤਨੀ ਸਮੇਤ 6 ਸਾਲ ਦੇ ਬੱਚੇ ਦੀ ਮੌਤ…

0
62


ਫਰੀਦਾਬਾਦ-ਹਰਿਆਣਾ ਦੇ ਫਰੀਦਾਬਾਦ ਵਿੱਚ ਇੱਕ ਦਰਦਨਾਕ ਹਾਦਸਾ ਵਾਪਰਿਆ ਹੈ। ਮਾਮਲਾ ਜ਼ਿਲੇ ਦੀ ਰਾਜੀਵ ਕਲੋਨੀ ਦਾ ਹੈ, ਜਿੱਥੇ ਕਮਰੇ ਵਿਚ ਅੰਗੀਠੀ ਜਾਲ ਕੇ ਸੌ ਰਹੇ ਇਕ ਜੋੜੇ ਅਤੇ ਉਸ ਦੇ 6 ਸਾਲ ਦੇ ਬੇਟੇ ਦੀ ਦਮ ਘੁੱਟਣ ਨਾਲ ਮੌਤ ਹੋ ਗਈ। ਸੂਚਨਾ ਮਿਲਦੇ ਹੀ ਫਰੀਦਾਬਾਦ ਸੈਕਟਰ 58 ਦੀ ਪੁਲਿਸ ਮੌਕੇ ‘ਤੇ ਪਹੁੰਚ ਗਈ ਅਤੇ ਪਤੀ, ਪਤਨੀ ਅਤੇ ਬੇਟੇ ਦੀ ਮ੍ਰਿਤਕ ਦੇਹ ਨੂੰ ਕਬਜ਼ੇ ਵਿਚ ਲੈ ਕੇ ਪੋਸਟ ਮਾਰਟਮ ਲਈ ਹਸਪਤਾਲ ਭੇਜ ਦਿੱਤਾ। ਮ੍ਰਿਤਕਾਂ ਦੀ ਪਛਾਣ 24 ਸਾਲਾ ਅਮਨ, 21 ਸਾਲਾ ਪ੍ਰਿਆ ਅਤੇ 6 ਸਾਲਾ ਮਾਨਵ ਵਜੋਂ ਹੋਈ ਹੈ।

ਦੱਸ ਦੇਈਏ ਕਿ ਅਮਨ ਆਪਣੀ ਪਤਨੀ ਪ੍ਰਿਆ ਅਤੇ 6 ਸਾਲ ਦੇ ਬੇਟੇ ਮਾਨਵ ਨਾਲ ਇਥੇ ਕਿਰਾਏ ਦੇ ਮਕਾਨ ਵਿਚ ਰਹਿੰਦਾ ਸੀ। ਅਮਨ ਇੱਥੇ ਸੁਕੇਸ਼ ਕੁਮਾਰ ਦੇ ਘਰ ਪਰਿਵਾਰ ਨਾਲ ਕਿਰਾਏ ਉੱਤੇ ਰਹਿੰਦਾ ਸੀ। ਉਹ ਸੈਕਟਰ -24 ਸਥਿਤ ਇਕ ਨਿੱਜੀ ਕੰਪਨੀ ਵਿਚ ਕੰਮ ਕਰਦਾ ਸੀ।

ਮੰਗਲਵਾਰ ਰਾਤ ਠੰਢ ਕਾਰਨ ਇਹ ਲੋਕ ਕਮਰੇ ਵਿਚ ਅੰਗੀਠੀ ਜਲਾ ਕੇ ਸੌਂ ਗਏ।ਰਾਤ ਵੇਲੇ ਅੰਗੀਠੀ ਨੂੰ ਕਮਰੇ ਤੋਂ ਬਾਹਰ ਨਾ ਛੱਡਣ ਕਾਰਨ ਤਿੰਨਾਂ ਦੀ ਦਮ ਘੁੱਟਣ ਨਾਲ ਮੌਤ ਹੋ ਗਈ। ਇਹ ਬੁੱਧਵਾਰ ਸਵੇਰੇ ਉਦੋਂ ਪਤਾ ਲੱਗਿਆ ਜਦੋਂ ਮਕਾਨ ਮਾਲਕ ਇੱਥੇ ਪਹੁੰਚਿਆ ਅਤੇ ਦਰਵਾਜ਼ਾ ਖੜਕਾਇਆ ਅਤੇ ਕੋਈ ਜਵਾਬ ਨਾ ਮਿਲਿਆ। ਇਸ ਤੋਂ ਬਾਅਦ ਸੁਕੇਸ਼ ਨੇ ਪੁਲਿਸ ਨੂੰ ਸੂਚਿਤ ਕੀਤਾ। ਸੂਚਨਾ ‘ਤੇ ਪਹੁੰਚੀ ਪੁਲਿਸ ਨੇ ਦਰਵਾਜ਼ਾ ਤੋੜਿਆ, ਅਮਨ, ਪਤਨੀ ਪ੍ਰਿਆ ਅਤੇ ਬੇਟਾ ਮਾਨਵ ਮ੍ਰਿਤਕ ਮਿਲੇ।

LEAVE A REPLY